الطريقة و المقادير
حلا بفاريا

الطريقة : بطنجرة ع النار منحط 3 كاسات ونص حليب وكاس سكر و 100 غ زبدة ع نار متوسطة لهادية …. بصحن عميق أو بالخلاط منخفق بيضتين بحرارة الغرفة مع فانيليا ( يفضل السائلة) منضيف عليهم 6 معالق طحين وملعقتين نشا ونص كاسة حليب منخلطهم مزبوط ومنزلهم فوق الحليب يلي بالطنجرة بكون صار دافي ومنحرك بشكل مستمر ليوصل للسماكة المطلوبة منطفي النار …. بقالب متوسط أو بايركس منصف طبقة بسكويت سادة ومنسكب نص الخليط فوق البسكويت ومنرجع منصف طبقة بسكويت تانية ومنضيف 3 معالق كاكاو فوق النص التاني من الخليط (استخدمت كاكاو محلى نسكويك اذا استخدمتوا كاكاو خام ضيفوا معو سكر وممكن نسكافيه) ومنسكب فوق البسكويت ومنتركوا ليبرد .. ومنزينوا حسب الرغبة انا بشرت فوقو جلاكسي ممكن تضيفوا مع الخليط علبة قشطة أو حليب بودرة بيغنوا الطعم بس مو أساسيين