نابلس- أصداء- فوجي المواطن عدي يعيش من مدينة نابلس اليوم من إرسال طلب له للحضور إلى مستشفى رفيديا الحكومي، بسبب تخلفه عن دفع فاتورة بقيمة 15 شيقلا، علما أنه لم يتخلف عن دفع شيء كما قال، وعبر عن استيائه من ذلك بمنشور على صفحته الشخصية في الفيسبوك، وفيما يلي نص المنشور:

تحيه كل التحيه للسلطه الرشيدة والقانون والحق العام

بس ممكن اعتراض من مواطن غلبان ؟؟

بيجيني بريد مسجل لباب البيت من البريد الفلسطيني بكل فخر و انا براجع مبنى البريد و بتفاجئ من طلب حضور لمستشفى رفيديا و انا متخلف عن دفع فاتوره خطيره جدا مبلغ 15 شيكل

مع العلم المستشفى حكومي من افضل المستشفيات و اللي انا بروح عليه كل فتره بس بتفاجئ انو علي مبلغ و قيمته 15 شيكل مع العلم مافي ايا فحص بتعملو الا و بتدفع قبل ما يطلع او ايا حركه لازم تدفع مع العلم انا لا املك تأمين صحي يعني يتوجب علي الدفع قبل الرفع

اعتراضي البسيط اذا سمح الي طبعا

بريد مسجل و موظف بريد يوصلي البريد المسجل و الذهاب لمبنى البريد و استلام البلاغ من موظف اخر و ورق مروس و مكتوب مختوم كم كلف ؟؟؟

يعني مطالبه ماليه بقيمة 15 شيكل تحتاج لكل الاجراءات و المطالبات الي انصرفت ؟؟

برجع و بحكي مع القانون و المطالبات بس انو مبلغ 15 شيكل !! هاي كتيره يا دوله

ياريت اذا كلامي فيه غلط حد يوعيني محسوبكم مواطن فلسطيني غلبان

تنويه:

ياترى المبالغ التي يتم صرفها من مسؤولين و موظفين و اهدار المال العام ببعتولهم مطالبات ماليه و بريد مسجل ولا بس المواطنين الغلبانين يتم مطالبتهم ؟؟؟