سؤال من احد القراء بعثه لي على الفيسبوك ، ليش تتعبوا حالكم بالكتابة ؟ ولمين تكتبوا ؟ الم تعلموا أننا ملوك للتصفيق في الخواء ؟ وبعدين شو هالمواضيع اللي تكتبوا عنها ! ملاحظات وأسئلة كبيرة ومرعبه كتبها هذا المواطن.
قال ، اكتبوا عن هموم المواطن ، هذه الهموم التي أصبحت لا تطاق ، مثل حجم جبلي عيبال وجرزيم ، هموم اقتصادية وحدث ولا حرج، ديون وقروض ومعاملات ربوية ، أقساط للسيارة والبيت والتلفزيون والغسالة والثلاجة ، شيكات راجعة ، وضرائب لا تعد ولا تحصى ، اكتبوا عن ان المواطن لم يعد يرى اللحمة هو وأولاده إلا في الأعياد والمناسبات ، واكتب ان الأسعار نار ، ورسوم المعاملات تضاعفت بمقدار 2000% لعدد من المعاملات ، وكثير غير هيك، اكتبوا ان أسعار الكهرباء كل ما لها بالطالع ودخل المواطن في النازل ، اكتبوا عن ضرورة تقليص وخفض نفقات الحكومة والسلطة.
قال ، اكتبوا عن الثوابت التي أصبحت جزء من حكايات ألف ليلة وليلة ، عن الجدار اللي خنقنا ولعن أبو فاطسنا ، وحجز المياه والأراضي ، وفي المفاوضات ما حدا بجيب سيرة الجدار ، ليش ؟ لأنه ممنوع الحكي عنه ، قال بزعل ، الجدار الذي قسم الصفة الغربية وفق مخططات العسكر والاقتصاديين في دولة الاحتلال ، قطعنا ، صار الواحد ما بقدر يشوف أخته اللي ساكنه خلف الجدار إلا في السنه مرتين ، بس في الأعياد ، اكتبوا كيف ان الزيتون بنشف وبجف والمزروعات بتموت لأننا ما بنقدر نوصل لعندها حتى نسقيها ، اكتبوا ان المستوطنات بلعتنا ، وشلومو وراحيل بدهم يحملوا هوية فلسطينية ، ومكان السكن ( دولة فلسطين مستوطنة ارئيل أو يتسهار)، اكتبوا عن الدولة التي يتم استباحة واجتياح أراضيها كل ليلة ، ويتم الاعتداء على مواطنيها وقتلهم بدم بارد واعتقالهم وجرهم لمراكز التحقيق.
قال ، امبارح حبيت أروح أصلي بالقدس عملا بطلب رب العالمين ورسوله الكريم اللي قال لنا ( لا تشد الرحال إلا إلى ثلاثة مساجد) ، شدينا الرحال ، وين تصريخ ؟ شو بتقول ، رد ، وين تصريخك عشان تعبر ؟ قلت له ، ما بدي اعبر ، العبور كان عام 73 ، بدي أروح أصلي في الحرم ، قال ممنوع ، بدك تصريخ من الارتباط ، قلت له ، بس الصلاة ما فيها تهديد لأمنكم ومستقبلكم السياسي ، وانتم تتحدثون وتتفاوضون من اجل التعايس والسلام ، والعبادة حق والوصول إلى أمكنها مضمون في القوانين الدولية ، رد ، روخ من هون بلاش اطخك.
امبارح واحنا راجعين من عطوة ، يعني فرح لأحد أبناء صديق ، كنا في الباص ، والشباب بتغني ومبسوطين ، على الحاجز ما عجب جندي مقلعط من الفلاشا المنظر وفرحة الشباب ، فاتخذ قرار ان ينكد علينا ، طلع على الباص ، شو فيه ؟ ليش في مظاهرة ؟ قلنا ، مش مظاهرة
، الشباب مبسوطين ، صاحبهم بدو يتجوز ، قال ، كله بنزل من الباص ، وكل واخد بجيب هويه ، وبوقف كله بالدور ..................!!!!!!
قال ، من شان رب العالمين حدا يطلب من الرئيس أبو مازن ، والمفاوضين ان يحكوا لنا شو حامل معه كيري ، ما هي بنود مبادرته ، شو عم بقول عن القدس ؟ وشو عم بقول عن الحدود ؟ وهل حملة أكثر من 9 شهور ؟ وهل سيعطوه مقويات ومدعمات ليستمر الحمل لسنة أخرى.
وشو عم بقول عن شرط إزالة الديانة من الهوية ؟ وشو قصة يهودية الدولة ؟ وليش في الأردن قايمة الدنيا ومش قاعدة على رفض مبادرة كيري ؟ وخاصة ألحكي كثير عن التوطين والتجنيس والوطن البديل ، شكله في خازوق أعمق وأطول من أوسلو!!
من شان رب العالمين ، السيد الرئيس امبارح في لقاء الشبيبة قال ، انأ نشرت المبادرة العربية ، من زمان ، للأوروبيين والعرب وللسكان في الدولة المجاورة حتى يعرفوا ما المطروح !!!! جميل سيدي الرئيس ليش احنا كمان ما نعرف شو المطروح ، لأننا خايفين نصحى واحنا مبلولين.
صديقي ، هذا ما نكتب عنه ، ونكتب لك لأنك تثبت لي ان هناك من يقرأ ، سؤالك ، هل يصل ما تكتبه أنت ولغيرك للمعنيين ؟ الجواب ، انتم المعنيين ، الناس في الشارع هم المعنيين.
صباحكم وطن وخبز طابون وزيت وزعتر وزيتون.
mildin og amning
mildin 30 mildin virker ikke
